disalbe Right click

Showing posts with label முகநூல். Show all posts
Showing posts with label முகநூல். Show all posts

Wednesday, June 22, 2016

ஃபேஸ்புக் - டாக் நீக்க


ஃபேஸ்புக் - டாக் நீக்க என்ன செய்ய வேண்டும்?
படங்களைப் பகிர்ந்து கொள்வதும், நண்பர்களை அந்தப் படங்களுக்கு டேக் (Tag) செய்வதும், பேஸ்புக்கில் வழக்கமான ஒரு பழக்கமாகும். 

சில வேளைகளில் நாம் ஒரு படத்தில் இருக்கிறோமோ இல்லையோ, அல்லது நமக்கு அந்தப் படம் பிடிக்கிறதோ இல்லையோ, நம் நண்பர்களில் சிலர் நம்மை இணைத்துவிடுகின்றனர். 

இது சில வேளைகளில் நமக்கு எரிச்சலைத் தருகிறது. ஒரு சில படங்கள் நம் நல்ல பெயரைக் கெடுப்பதாகவும் அமைந்துவிடுகிறது. 

அது போன்ற வேளைகளில், இதனைக் கட்டுப்படுத்த முடியாதா என்று ஆசைப்படுகிறோம். எப்படிக் கட்டுப்படுத்தலாம் என்பதை இங்கு காணலாம்.

நிலை 1: 
முதலில் பேஸ்புக்கில் லாக் இன் செய்து, Settings கிளிக் செய்திடவும். இது வலது ஓரத்தில், தலைகீழாகக் காணப்படும் முக்கோணத்தில் கிளிக் செய்தால் கிடைக்கும் மெனுவில் இருக்கும். 

நிலை 2: 
இனி கிடைக்கும் விண்டோவில், இடது பக்கம் உள்ள மெனுவில் Timeline and Tagging என்பதைக் கிளிக் செய்திடவும். இப்போது Timeline and Tagging Settings என்ற விண்டோ கிடைக்கும். 

நிலை 3: 
இதில் மூன்றாவது பிரிவாக How can I manage tags people add and tagging suggestions?
என்ற பிரிவு இருக்கும். இதில் உங்களை டேக் செய்பவர்களைக் கட்டுப்படுத்த பல ஆப்ஷன்கள் கிடைக்கும். இதில் நீங்கள் விரும்பும் வகையில் செட்டிங்ஸ் அமைத்து வெளியேறவும். 

இனி நீங்கள் இடம் தராமல், யாரும் உங்களை எந்த பதிவுடனோ அல்லது போட்டோவுடனோ டேக் செய்திட முடியாது.

ஏற்கனவே டேக் செய்த போட்டோக்களை என்ன செய்திடலாம்? 

இந்தப் போட்டோக்களை நீக்க, போட்டோவினை ஆல்பத்திலிருந்து திறக்கவும். 
உங்கள் பெயர் அருகே, கர்சரைக் கொண்டு சென்றால், Remove tag என்று காணப்படும். அதில் கிளிக் செய்திடவும். 

இந்த வசதி காட்டப்படவில்லை என்றால், கீழாக வலது பக்கம் கிடைக்கும் ஆப்ஷன்ஸ் பட்டியலைக் காணவும். பின்னர் இதில், Remove Tag. என்பதில் கிளிக் செய்திடவும். கிளிக் செய்தவுடன் கிடைக்கும் கட்டத்தில், ஏன் நீங்கள் நீக்க விரும்புகிறீர்கள் என்று கேட்கப்படும். இதற்குப் பதில் அளிக்காமலும் விடலாம். டேக் நீக்கப்படும்.

சில வேளைகளில், சில போட்டோக்களில் நீங்கள் டேக் செய்யப்பட்டிருப்பீர்கள். அதனை நீக்க விரும்பமாட்டீர்கள். ஆனால், அது குறித்து வரும் லைக், கமெண்ட் குறித்து தகவல் உங்களுக்குத் தேவை இல்லை என எண்ணலாம். 

இதற்கு போட்டோவினைக் கிளிக் செய்து, கமெண்ட் பாக்ஸுக்கு மேலாக உள்ள, Unfollow Post என்பதில் கிளிக் செய்திடவும். 
இதன் பின்னர், நீங்கள் டேக் செய்த போட்டோவில் இணைக்கப்படும் தகவல்கள் கிடைக்காது.

நன்றி : தினமலர் நாளிதழ் - 22.06.2016

Friday, May 13, 2016

ஃபேஸ்புக்கில் பெண்கள்

ஃபேஸ்புக்கில் பெண்கள் என்ன செய்ய வேண்டும்?

ப்போது இருக்கும் டிஜிட்டல் உலகில் வங்கியில் கணக்கில்லாத மனிதர்கள் கூட இருக்கலாம், ஆனால் முகநூலில் கணக்கில்லாத மனிதர்களைக் காண முடியாது.
ஃப்ரெண்ட் ரெக்வெஸ்ட்:
இதுதான் பிரச்னை ஆரம்பமாகும் இடம். நாம் ஒருவரை நண்பர்கள் லிஸ்ட்டில் சேர்க்கும் முன், முதலில் அவரது புரொஃபைல் புகைப்படம், நண்பர்கள் லிஸ்ட், அவர் பதிவிடும் ஸ்டேட்டஸ்கள் எல்லாவற்றையும் கவனியுங்கள். பெண்களைக் குறித்து தவறாகவோ அல்லது குறையாகவோ, அல்லது கோபமாகவோ ஸ்டேட்டஸ் போட்டால் யோசிக்காமல் அவரை நிராகரிக்கலாம். உங்கள் நண்பர்களுக்கு அவர் கொடுக்கும் கமென்ட்டுகளையும் கவனிப்பது அவசியம். இல்லையேல் நீங்கள் போடும் கமென்ட்டுகள் அல்லது புகைப்படங்களுக்குக் கொஞ்சம் நக்கலாகவோ அல்லது மனதைப் புண்படுத்தும்படியோ கமென்ட்டுகள் வருவதைத் தவிர்க்க முடியாது.
மெசேஜ் பூதம்:
அலுவலகத்தில் நண்பர்கள் மற்றும் உறவினர்கள் முன்பு மெசேஜ் பாக்ஸை முடிந்தவரை ஆஃப் செய்து வைத்து விடுங்கள். “ஹாய் பேபி”, ” ஹலோ டியர்” என வரும் நல்லுள்ளங்களை மியூட்டில் வைத்து விடுவது அதைவிட நல்லது. அவர்களைக்கூட மன்னிக்கலாம். சில மிக நல்லவர்கள், டக்கென மோசமான புகைப்படங்களையோ அல்லது வீடியோக்களையோ பகிர்ந்துவிடுவார்கள். பெண்களைப் பொறுத்தவரை இதற்கு ஒரே தீர்வு மெசேஜ்களை, முடிந்தவரை பொது இடங்களில் ஓபன் செய்யாமல் இருப்பதுதான். சில மோசமான இன்பாக்ஸ் மக்களின் ஃப்ரெண்ட் லிஸ்டை கட் செய்வது நல்லது. வேண்டுமானால் மெசேஜை மட்டும் ப்ளாக் செய்யலாம்
மெனக்கெட வைக்கும் மெசெஞ்ஜர் கால்
உண்மையில் பல பெண்களின் தூக்கத்தைக் கெடுக்கும் பிரச்னை இந்த மெசெஞ்சர் காலாகத்தான் இருக்கும். நம் மொபைல் அலைபேசிபோல், சைலன்ட்டில் போட்டாலும் மெசெஞ்சர் கால் சப்தத்தை கட் செய்ய முடியாது. இதற்கு ஒரே தீர்வு முக்கிய மீட்டிங், வீட்டில் இருக்கும்போது என நோட்டிஃபிகேஷன்களை அணைத்து விடுவது நல்லது. அதிலும் ஒரு சிக்கல் இருக்கிறது. அதிகபட்சம் உங்களால் மெசெஞ்சரில் 24 மணி நேரம் மட்டுமே நோட்டிபிகேஷன் அல்ர்ட்டை கட் செய்ய முடியும். அதனால் அதையும் நீங்கள் ஒவ்வொரு 24 மணி நேரத்துக்கு ஒருமுறை செக் செய்து அணைத்து வையுங்கள்.
கமென்ட்டில் வரும் கலகம்
நீங்கள் போடும் ஸ்டேட்டஸ்களில்கூட உங்கள் மனதைப் புண்படுத்தும்படி கமென்ட்கள் கொடுக்க முடியும். முடிந்த வரை புரட்சி, போர் என நீங்கள் போடும் ஸ்டேட்டஸ்களைக் கவனிப்பிலேயே வைத்துக்கொள்ளுங்கள். இல்லையேல் பல்ப் வாங்கக் கூடும்.
ஷேரிங்:
நாம் சொல்லும் கருத்தை மற்றவர்கள் ஷேர் செய்கிறார்கள் எனில், அதற்கு என்ன கருத்தை அவர்கள் சொல்கிறார்கள் என செக் செய்யுங்கள். எல்லாவற்றிற்கும் மேல் உங்கள் புரொஃபைல் புகைப்படங்களையோ அல்லது செல்ஃபிக்களையோ யாரேனும் ஷேர் செய்தால், உடனே சந்தேகப்படுங்கள். சற்றே அந்த ஆசாமியின் அக்கவுன்ட்டைப் பார்த்தால், உங்களைப்போன்றே பல பெண்களின் புகைப்படங்களைப் பகிர்ந்திருப்பார்.
அப்படி இருந்தால் கேள்வியே இல்லாமல் அந்த நபரை அன்ஃப்ரெண்ட் செய்யுங்கள். அன்ஃப்ரெண்ட் செய்த அடுத்த கணம் உங்கள் புகைப்படம் அவரது ஸ்டேட்டஸில் இருந்து மறைந்து விடும். காரணம் அவர்களுக்கு வேலையே இப்படி சில பெண்களின் புகைப்படங்களை ஷேர் செய்து லைக்குகளையும், கமென்ட்டுகளையும் பெறுவதே! மேலும் அப்படிப்பட்ட நபர்களைப் பின்தொடர்பவர்களும் அதே நோக்கத்துடன் இருப்பார்கள் என்பதால், உங்களுக்கு இன்பாக்ஸ்களிலும் பிரச்னைகள் எழ வாய்ப்பு உள்ளது.
நாம் செய்யும் தவறு:
ஒரு நபர் ஃப்ரெண்ட் ரெக்வெஸ்ட் கொடுத்து, அதிகபட்சம் இரண்டு நாட்களுக்குள் 'ஹாய்' என அடித்து விடுவார்கள். ஆனால், அந்தக் கால இடைவெளியை நாம் தருவதே இல்லை. ரெக்வெஸ்ட் கொடுத்த அடுத்த நொடி, ஓகே கொடுத்து விடுகிறோம்; அதுதான் பிரச்னை. அதே சமயம் யாரையும் நாம் திருத்த முடியாது. ஒரு நபர் நம்மைத் தவறாகப் பாவித்து சாட் செய்கிறார் எனில், கேட்காமல் ப்ளாக் செய்வதே நல்லது. அதை விடுத்து அறிவுரை கூறுகிறேன், நல்வழிப்படுத்துகிறேன் என ஆரம்பித்தால் பஞ்சாயத்துதான். முடிந்தவரை அதைத் தவிர்த்து விடுங்கள். 
தீ என்றால் சுடத்தான் செய்யும். முடிந்தவரை எட்ட நிற்பது சிறப்பு.
(இது ஆண்களுக்கும் பொருந்தும் மக்கா!)
- ஷாலினி நியூட்டன் 
நன்றி : விகடன் செய்திகள் - 12.05.2016

Thursday, May 12, 2016

ஃபேஸ்புக் இரகசியங்கள் தெரிந்துகொள்ள


ஃபேஸ்புக் இரகசியங்கள் தெரிந்துகொள்ள என்ன செய்ய வேண்டும்?
இன்றைய உலகின் டிஜிட்டல் சமூக சதுக்கமாக பேஸ்புக் இயங்கிக் கொண்டிருக்கிறது. இதனைப் பயன்படுத்துபவர்களில் பெரும்பான்மையானவர்கள் இளைஞர்களாகவும், மற்றவர்கள் அனைத்து வயது நிலைகளிலும் உள்ளனர். 

கம்ப்யூட்டர் பயனாளர்களில் பெரும்பாலானவர்கள் பயன்படுத்தும் தளமாக facebook.com இடம் பிடித்துள்ளது. இன்னொரு பக்கத்தில், பேஸ்புக், இந்த உலகின் மிக உயர்ந்த தொழில் நுட்ப திறன் கொண்ட வல்லுநர்களை இழுக்கும் காந்தமாகவும் மாறி வருகிறது. ஒவ்வொரு பயனாளரும் தங்களுக்கேற்ற வகையில் மாற்றி அமைத்துப் பயன்படுத்த வழி தருவதிலும், நகாசு வேலைகளை அமைத்துக் கொள்ள அனுமதி அளிப்பதிலும், தனிப்பட்ட முறையில் இயங்கும் செயலிகளைக் கொண்டிருப்பதிலும், ஒரு தனித்துவம் மிக்க பொறியியல் அறிவின் அடையாளமாக பேஸ்புக் வடிவமைக்கப்பட்டு இயங்கி வருகிறது. 

பேஸ்புக் இணைய தளத்தில், அதன் பயனாளர்கள் பல்வேறு செயல்பாடுகளை மேற்கொள்ளலாம். அவை அனைத்தும் அவர்களுக்குத் தெரியுமா என்றால், இல்லை என்று தான் பதில் சொல்ல வேண்டும். இப்படிக் கூறுகையில், பேஸ்புக் இணைய தளத்துடன் இணைந்து செயலாற்றக் கூடிய தர்ட் பார்ட்டி செயலிகளை இங்கு குறிப்பிடவில்லை. அல்லது பிரவுசர் வழியாக இணைந்து செயலாற்றும் செயலிகளை இங்கு பட்டியலிடவில்லை. தெரியாத செயல்பாடுகள் என்று சொல்லப்படுவது, பேஸ்புக் இணையதளத்திலேயே அமைந்து, அனைவரும் இயக்கும் வகையில் தரப்படும் செயல்பாடுகள் தாம். இவற்றைத்தாம் பெரும்பாலானவர்கள் அறியாமல் இருக்கின்றனர். அவற்றை இங்கு ஆய்வு செய்து பார்க்கலாம். தெரிந்த பின்னர், பயன்படுத்தி மகிழ்ச்சி அடைந்து பேஸ்புக் சூப்பர் ஸ்டாராக மாறலாம்.

நீங்கள் அறியாத உங்களின் செய்திப் பெட்டி (Hidden Message Box) உங்களுக்கு பேஸ்புக்கில் அக்கவுண்ட் ஒன்றும் அதற்கான தளமும் உள்ளதா? அதில் நீங்கள் விரும்பும் தகவல்களைப் பதிவு செய்கிறீர்கள். போட்டோக்களைப் பதிந்துவைத்து அழகு பார்க்கிறீர்கள். ஓரமாக அரட்டைக் கட்டத்தில் (Chat Box) நண்பர்கள் தென்பட்டால், அவர்களுடன் அரட்டை அடிக்கிறீர்கள். போட்டோ, பைல்களை அனுப்புகிறீர்கள். சில வேளைகளில், உங்கள் நண்பர்கள் உங்களுக்கு அனுப்பும் மெசேஜ்களை, உங்கள் மெசேஜ் பெட்டி திறந்து படிக்கிறீர்கள். இந்த வசதியை அனைவரும் பயன்படுத்துவதில்லை. 

இருப்பினும், இது தவிர, இன்னும் இரு மறைத்துவைக்கப்பட்ட உங்களுக்கான மெசேஜ் பாக்ஸ் இருப்பது தெரியுமா? இந்த செய்திப் பெட்டியைப் பெற, உங்கள் பக்கத்தில், மேலாக உள்ள "messages" என்னும் ஐகானில் கிளிக் செய்திடுங்கள். அல்லது இடது பக்கமாக "messages" என்னும் லிங்க்கின் மீது கிளிக் செய்திடுங்கள். இந்த இன்பாக்ஸைத் திறக்கும் போது, மாறா நிலையில், இதன் "Recent" டேப் தேர்ந்தெடுக்கப்பட்ட நிலையில் இருக்கும். இதன் வலது பக்கத்தில் "Message Request" என்ற டேப் இருக்கும். இதனைக் கிளிக் செய்தால், "See filtered requests” என்ற லிங்க் கிடைக்கும். இதில் கிளிக் செய்தால், உங்கள் நண்பர்களிடமிருந்தும், நீங்கள் அறியாத யார் யாரிடமிருந்தோ பல செய்திகள் இருக்கும். இவர்களுக்கு மறுமொழி அளிக்கலாம். அல்லது அப்படியே விட்டுவிடலாம். அல்லது நீக்கிவிடலாம். முதலில், இது போன்ற அறியாதவர்களிடமிருந்து வரும் செய்திகளைப் படிக்கும் இன்பாக்ஸ் திறப்பதற்கு, 2012ல், ஒரு டாலர் கட்டணம் வசூலிக்கப்பட்டது. பின்னர், இது உயர்த்தப்பட்டு, 100 டாலர் (மார்க் உட்பட அனைவருக்கும்) வரை சென்றது. பின்னர், இது இலவசமாக வழங்கப்பட்டு வருகிறது.

உங்கள் அக்கவுண்ட்டில் நுழைந்த நபர் யார்?
சில வேளைகளில், உங்கள் பேஸ்புக் அக்கவுண்ட் பேஜில், வேறு யாரோ ஒருவர் நுழைந்து பார்க்கும் சந்தர்ப்பங்கள் ஏற்படுகின்றன. உங்கள் பாஸ்வேர்டைத் தெரிந்த ஒருவர் அல்லது நீங்கள் உங்கள் நண்பர் வீட்டில் பேஸ்புக் பார்த்துவிட்டு, கணக்கை மூடாமல் வந்த பக்கத்தைப் பார்த்த ஒருவர் என அது யார் வேண்டுமானாலும் இருக்கலாம். அவரை நீங்கள் யாரெனத் தெரிந்து கொள்ள வேண்டுமா? 

முதலில் உங்கள் settings page (https://www.facebook.com/settings?tab=account) செல்லவும். அங்கே, Security போல்டரில், "Where You're Logged In" என்பதில் கிளிக் செய்திடவும். இங்கு, நீங்கள் பேஸ்புக் தளத்தை அணுகிய விபரங்கள் அனைத்தும் காட்டப்படும். டெஸ்க்டாப் கம்ப்யூட்டர் மற்றும் மொபைல் எனப் பிரிக்கப்பட்டு இந்த பட்டியல் இருக்கும். இதில் நீங்கள் பயன்படுத்தாத சாதனம், பிரவுசர் மற்றும் நாள் இருப்பின், அதன் அருகே உள்ள End All Activity என்பதில் கிளிக் செய்திடவும். நீங்கள் உங்கள் நண்பரின் கம்ப்யூட்டரில் பேஸ்புக் பார்த்துவிட்டு அதிலிருந்து முறையாக முடித்து வைத்து வெளியேறாமல் இருந்தால், அதுவும் காட்டப்படும். அதனை இங்கிருந்து முடித்துவிடலாம்.

ரகசிய உணர்ச்சி சித்திரங்கள்
கம்ப்யூட்டர் வழியாக நட்பு தொடர்புகளில், நாம் நம் உணர்வுகளைத் தெரிவிக்க, அதற்கென அமைந்த சிறிய படங்களை இணைப்பது வழக்கமாக உள்ளது. இவற்றை எமோட்டிகான் (emotion+icon) என அழைக்கிறோம். பேஸ்புக்கில், பல எமோட்டிகான்கள் உள்ளன. ஆனால், அவை நாம் எளிதாக அறியும் வகையில் இல்லை. நாம் பொதுவாகப் பயன்படுத்துவது :)/ :D/ ^_^ ஆகியவற்றையே. ஆனால், இன்னும் சில உள்ளன. அவை: (y) = வெற்றி எனப்படும் 'தம்ப்ஸ் அப்” அடையாளம். (^^^) =பெரிய வெள்ளை ஷார்க் மீன், :|] = ரோபோ என அழைக்கப்படும் இயந்திர மனிதன், <(") = பெங்குவின் பறவை. இவற்றை நீங்கள் வால் போஸ்ட், சேட், நம் கமெண்ட் ஆகியவற்றில் பயன்படுத்தலாம். இவற்றை டைப் செய்தவுடனேயே, அவை அந்த சிறிய ஐகானாக மாறும். எடுத்துக் காட்டாக, பெங்குவின் பறவைக்கானதை டைப் செய்தால், உடனே அது சிறிய பெங்குவின் பறவையாக மாறும். (உடனே பேஸ்புக்கில் டைப் செய்து பாருங்கள்.)

மெசஞ்சர் வழியாக பைல் பரிமாற்றம்
பேஸ்புக் மெசஞ்சர் விண்டோவை நீங்கள் திறந்தால், அதில் சிறிய கியர் ஐகான், வலது மேல்புறம் இருப்பதனைப் பார்க்கலாம். இதில் தட்டினால், அதில் "Add Files...", என்று ஓர் ஆப்ஷன் கிடைக்கும். இதில் கிளிக் செய்தால், உடனே கம்ப்யூட்டரிலிருந்து பைலைத் தேர்ந்தெடுத்து அனுப்பலாம். இந்த ஆப்ஷன் சேட் விண்டோவிலும் கிடைக்கும். இதனைப் பெறுபவர், இதில் காட்டப்படும் லிங்க்கில் கிளிக் செய்து பைலைத் தரவிறக்கம் செய்து கொள்ளலாம்.

தலைகீழாக ஆங்கிலம்
பேஸ்புக்கில் நாம் காணும், அல்லது அமைக்கும் ஆங்கில வாக்கியங்கள் அனைத்தும் தலைகீழாக இருந்தால் எப்படி இருக்கும்? இந்த கற்பனைக்கான விடையை, பேஸ்புக் தளத்தினை வடிவமைத்தவர்கள், ஓர் ”ஈஸ்டர் எக்” ஆக அமைத்துள்ளனர். இதனைக் காண்பதற்கு, பேஸ்புக்கில் உங்கள் அக்கவுண்ட் தளத்தில் மொழி அமைப்பினை மாற்றி அமைக்க வேண்டும். உங்கள் தளத்தில், General Account Settings > Language எனச் செல்லவும். அங்கு ஏற்கனவே English (US) தேர்ந்தெடுக்கப்பட்டிருக்கும். இதில் கிளிக் செய்தால் கிடைக்கும் பட்டியலில், English upside down என்று ஒரு பிரிவு இருக்கும். இதனைத் தேர்ந்தெடுத்து சேவ் செய்துவிட்டால், உங்கள் பக்கத்தில் உள்ள ஆங்கில சொற்கள் அனைத்தும் தலைகீழாகத் தெரியும். ஒன்றை கவனத்தில் கொள்ளவும். இதனை எளிதாகப் படிக்க முடியாமல் எரிச்சல் அடைவோம். மாற்றிவிட்ட பின்னர், மீண்டும் பழைய நிலைக்குக் கொண்டுவர முயற்சிக்கையில், மெனுக்களில் உள்ள சொற்கள் அனைத்தும் தலைகீழாகத் தெரியும். கவனமாக அதனைக் கண்டு, மீண்டும் English US என்பதைத் தேர்ந்தெடுத்து அமைக்க வேண்டும். இல்லையேல், நீங்கள் கம்ப்யூட்டர் முன்னால் தலைகீழாக சிரசாசனம் செய்து பேஸ்புக் தளத்தினைப் படிக்க வேண்டும். எப்படி வசதி?

பேஸ்புக்கில் வலைமனை (Blog) வசதி
பேஸ்புக் தளத்தில் நம் கருத்துகளைப் பதிவிடுகிறோம். சில படங்களை மற்றவர்களுடன் பகிர்ந்து கொள்ள வெளியிடுகிறோம். சில வேளைகளில், மிகப் பெரிய உரைக்கோவை ஒன்றை பதிவிட விரும்பினால், பேஸ்புக், அதற்கான சிறிய வலைமனை ஒன்றை அமைக்க வசதி தருகிறது. இதற்கு எச்.டி.எம்.எல். தெரிந்திருக்க வேண்டியதில்லை. 


facebook.com/notes என்னும் முகவரி உள்ள பக்கத்திற்குச் செல்லுங்கள். இங்கு உங்களுடன் நட்பாயிருப்பவர்களின் குறிப்புகள் இருக்கும். இதில் உங்களுடையதையும் இணைக்க விரும்பினால், மேல் வலது மூலையில் உள்ள "+ Write a Note" என்பதில் கிளிக் செய்திடவும். உடன் புதிய வலைமனைப் பக்கம் ஒன்று கிடைக்கும். இதன் மேலாக, படத்தை வைக்க இடம் உண்டு. அடுத்து, உங்கள் கருத்து குறித்த தலைப்பினை அமைக்கலாம். அடுத்து உங்கள் கருத்தை விளக்கும் டெக்ஸ்ட்டை ஒட்டலாம். அல்லது எழுதலாம். ஒரே முயற்சியில் நீங்கள் விரும்பியதை எல்லாம், எழுதி அமைக்க முடியவில்லை என்றால், இயன்றதை எழுதி, சேவ் செய்து, பின்னர் வெளியிடலாம்.

பேஸ்புக்கில் உங்கள் இனிய நட்பு

உங்களுடைய பேஸ்புக் இணைய நட்பு குறித்து அறிய www.facebook.com/us என்ற முகவரியை டைப் செய்து காட்டப்படும் தளத்தினைப் பாருங்கள். உங்கள் அனைத்து நண்பர்களின் புகைப்படங்கள், நீங்கள் வெளியிட்ட புகைப்படங்கள் என அனைத்து நடவடிக்கைகளின் அடையாளம் கிடைக்கும். 

பின்னால் பார்த்துக் கொள்ள காத்திடு
சில வேளைகளில், பேஸ்புக்கில் நம் நண்பர்கள், முக்கியமான இணைய தளங்களை நாம் பார்க்க வேண்டும் என்பதற்காக, அதன் லிங்க் அனுப்பி வைப்பார்கள். நமக்கு அப்போது நேரம் இல்லாததால், அப்புறம் பார்த்துக் கொள்ளலாம் என்று விட்டுவைப்போம். ஆனால், லிங்க்கினை சேவ் செய்திட மாட்டோம். இது போல “அப்புறம் பார்த்துக் கொள்ளலாம்” என்ற விஷயங்களை, சேவ் செய்து வைத்துப் பின்னால் பார்க்க, பேஸ்புக் வழி அமைத்துத் தருகிறது. இந்த டூலின் பெயர் "Save for Later". 

எந்தப் பதிவினையாவது சேவ் செய்திட வேண்டும் என்றால், அந்தப் பதிவின் மேல் வலது முனையில் உள்ள சின்ன அம்புக் குறியில் கிளிக் செய்திடவும். பின்னர் கிடைக்கும் மெனுவில் Save "[name of story]" என்ற பட்டனில் கிளிக் செய்திடவும். இது, உங்களுடைய சேவ் செய்யப்பட்ட போல்டருக்கு இந்த பதிவினை அனுப்பி சேவ் செய்திடும். "saved" என்ற பெயரில் ரிப்பன் ஒன்று காட்டப்படும். முதல் முதலாக ஏதேனும் ஒரு பதிவினை சேவ் செய்த பின்னரே இந்த போல்டர் உருவாக்கப்படும். பின்னர் அடுத்தடுத்து சேவ் செய்திடுகையில், அவை இங்கு வைக்கப்படும். அதில் கிளிக் செய்தால், அனைத்து சேவ் செய்யப்பட்டவைகளையும் பார்க்கலாம். 

மொத்த பேஸ்புக் செயல்பாடு பார்க்க
நீங்கள் பேஸ்புக் தளத்தில் மேற்கொண்ட அனைத்து செயல்பாடுகளையும், அதாவது “அனைத்தும்” மொத்தமாக பார்க்க விருப்பமா? பேஸ்புக் அதற்கான வழியினைக் கொண்டுள்ளது. ஒவ்வொரு போஸ்டிங், படம், விடியோ, தகவல், நண்பர்களுடன் அரட்டை என “அனைத்தும்” பெறலாம். உங்கள் பேஸ்புக் அக்கவுண்ட் தளத்தில் Settings > General என்று செல்லவும். 



அங்கு "Download a copy of your Facebook data" என்பதில் கிளிக் செய்திடவும். பின்னர், அங்கு தரப்படும் வழிகளைப் பின்பற்றவும். நீங்கள் மேற்கொண்ட அனைத்தும் காட்டப்படும். நீங்கள் உங்கள் பேஸ்புக் அக்கவுண்ட்டினை நீக்க முடிவு செய்தால், உங்கள் பேஸ்புக் நாட்களை காப்பி எடுத்து வைக்க இந்த டூல் உதவுகிறது. 

நம் பேஸ்புக் வாரிசு யார்?

பேஸ்புக்கில் உள்ள அனைவரும் ஒரு நாள் மரணத்தைச் சந்திக்கத்தான் போகிறோம். அய்யோ! அப்படியானால், நான் இத்தனை நாள் பதிவு செய்து, வளர்த்து ஆளாக்கிய என் பேஸ்புக் தளம் என்னாவது? பேஸ்புக் மட்டுமல்ல. இது அனைத்து சமூக வலைத் தளங்களுக்கும் பொருந்தும். நீங்கள் மட்டுமல்ல, பேஸ்புக்கில் உள்ள உங்கள் நண்பர்களும் மரணத்தைத் தழுவுவார்கள். பேஸ்புக் இதற்காகவே, உங்கள் மரணத்திற்குப் பின், சட்ட ரீதியாக, உங்கள் தளப் பக்கத்தினை ஏற்றுக் கொள்ளும் வாரிசை நியமிக்க வழி செய்துள்ளது. பேஸ்புக் இதனை a legacy contact என அழைக்கிறது. பேஸ்புக்கில் உங்கள் நண்பராய் உள்ள ஒருவரை இதற்கென நியமிக்கலாம். அது உங்கள் மகன் / மகள் / மனைவியாகக் கூட இருக்கலாம். இதற்கு to Settings > Security > Legacy Contact என்று சென்று நியமிக்கலாம். இவ்வாறு நியமிக்கப்படுபவர், உங்கள் பேஸ்புக் தளப்பக்கத்தினை நிர்வகிப்பார். உங்கள் தொடர்பில் இருக்கும் நண்பர்களுக்கு உங்கள் மறைவு குறித்த தகவலைத் தெரிவிப்பார். 
இவ்வாறு நியமிக்கப்படுபவரை பின் நாளில், நீங்கள் மாற்றவும் செய்திடலாம். உங்கள் இணைய தளப் பக்கத்தினை நீக்கிவிடவும் இங்கு வழி தரப்பட்டுள்ளது. 
கூடுதல் தகவல்கள் பெற https://www.facebook.com/help/1568013990080948 என்ற முகவரியில் உள்ள பேஸ்புக் இணைய தளத்தினைப் பார்க்கவும்.
நன்றி : தினமலர் - கம்ப்யூட்டர் மலர், 02.05.2016



ஃபேஸ்புக் தொல்லைகளை தவிர்க்க


ஃபேஸ்புக் தொல்லைகளை தவிர்க்க என்ன செய்ய வேண்டும்?
இணையத்தைப் பயன்படுத்தத் தொடங்கிய பின்னர், நாம் விரும்பியும், விரும்பாமலும், பல அறிவிப்புகளை நம் கம்ப்யூட்டர் மற்றும் பிற இணைய இணைப்பு சாதனங்களில் சந்திக்கின்றோம். இவற்றில் பல அறிவிப்புகள் (Notifications) நாம் விரும்பாதவையாகவே உள்ளன.
இதில் அதிகம் நான் எரிச்சல் அடைவது பேஸ்புக் சமூக தளத்தில் நாம் பெறும் அறிவிப்புகள் தான். இவற்றை வேறு வழியின்றி நாம் சகித்துக் கொள்கிறோம். அல்லது, அவற்றை எப்படி தவிர்ப்பது அல்லது நிறுத்துவது எனத் தெரியாமல் இயங்குகிறோம். அதற்கான சில வழிகளை இங்கு காணலாம்.
இணையம் வழியாக நமக்கு வரும் அறிவிப்புகள் பல வகை. டெக்ஸ்ட், அலாரம் மற்றும் சமூக இணைய தளங்களில் எனப் பல வழிகளில் நமக்கு இவை கிடைக்கின்றன. மொபைல் போன்களில் இத்தகைய அறிவிப்புகள் ஏராளம். மொபைல் போன் பயன்படுத்துபவர்கள், இவற்றை வேறு வழியின்றி ஏற்றுக் கொண்டுள்ளனர். சிலர் இவற்றை ரசிக்கிறார்கள்.
ஆனால், பலர் இவை தேவைதானா என்று முகம் சுழிக்கின்றனர். விருப்பம் கேட்டால், இவை எனக்கு வேண்டாமே என்று முடிவெடுப்பார்கள். ஏனென்றால், தகவல் தரும் வகை மட்டும் என்றால் அனைவரும் இந்த அறிவிப்புகளை விரும்பலாம். ஆனால், எரிச்சலூட்டும் வகையில், இத்தகைய அறிவிப்புகள் குவிவதை நாம் விரும்பமாட்டோம். பேஸ்புக் சமூக இணைய தள அறிவிப்புகள் பெரும்பாலும் இத்தகையவையாகவே உள்ளன. இவற்றை நாம் எந்த அளவில் கட்டுப்படுத்த முடியும் என்பதை இங்கு பார்க்கலாம்.
முதலாவதாக, உங்கள் அக்கவுண்ட் சார்ந்து தரப்படும் அறிவிப்புகளை நீங்கள் கட்டுப்படுத்தலாம். இவை நீங்கள் எந்த வகையான சாதனங்களைப் பயன்படுத்தினாலும், ஒரே மாதிரியாக உங்கள் அக்கவுண்ட் சார்ந்து வந்து கொண்டே இருக்கும்.
சில அறிவிப்புகளை ஆப்பரேட்டிங் சிஸ்டம் அளவிலேயே மொத்தமாக தடுத்து நிறுத்தலாம். அல்லது குறிப்பிட்ட வகை அறிவிப்புகளை மொத்தமாக தடுத்து நிறுத்தலாம். இதன் மூலம், ஒரு குறிப்பிட்ட அப்ளிகேஷனை அதன் தொடக்கத்திலேயே இயங்காமல் தடுத்து நிறுத்த முடியும்.
இறுதியாக, குறிபிட்ட அப்ளிகேஷனில் இருந்து வரும் அறிவிப்புகளை நீங்களாக நீக்க முடியும். எடுத்துக்காட்டாக, ஆண்ட்ராய்ட் இயக்கத்தில் பேஸ்புக் தள அறிவிப்புகளை வரவிடாமல் நிறுத்த முடியும். ஆனால், ஐ.ஓ.எஸ். இயக்கத்தில் பேஸ்புக் அறிவிப்புகளை நிறுத்த இயலாது.
எப்படி நிறுத்தலாம் என்று பார்ப்போம்.
பேஸ்புக் அக்கவுண்ட் அறிவிப்பு செட்டிங்ஸ்
நீங்கள் பேஸ்புக் தளத்திலிருந்து ஒருவரின் பிறந்த நாள் குறித்த அறிவிப்புகள் அல்லது ஒருவர் தன் நட்பு தொடர்பினை மூடுதல் (Close Friend’s activity) குறித்த அறிவிப்புகள் வர வேண்டாம் என விரும்பினால், இவற்றை பேஸ்புக் இணைய தளத்திலேயே நிறுத்தலாம். அல்லது இது பதியப்பட்ட ஆண்ட்ராய்ட் அல்லது ஐ.ஓ.எஸ். சாதனத்தின் மூலம் நிறுத்தலாம்.
ஐபேட் சாதனத்தில், பேஸ்புக் அப்ளிகேஷனைத் திறக்கவும். மேல் இடது புறம் உள்ள மூன்று கோடுகள் உள்ள ஐகானில் தட்டவும். இதன் மூலம் சைட் பார் காட்டப்படும். இதனை உருட்டிக் கொண்டு கீழாகச் சென்று, “Settings” மற்றும் அதன் பின் “Notifications” என்பனவற்றில் தட்டவும்.
அப்டேட் செய்யப்பட்ட பேஸ்புக் பதிந்து இயக்கப்படும் ஆண்ட்ராட்ய் சாதனத்தில், மேலே காட்டியது போல சைட் பார் திறக்கவும். இதில் “Account Settings” மீது தட்டிப் பின்னர் கிடைக்கும் திரையில் “Notifications” என்பதில் தட்டவும்.
இறுதியாக, பேஸ்புக் இணைய தளத்தில், மேல் வலது மூலையில் உள்ள அம்புக்குறியில் தட்டவும். இங்கு கீழ் விரி பட்டியல் ஒன்று கிடைக்கும். இங்கு “Settings” மற்றும் அதன் பின் “Notifications” என்பனவற்றில் தட்டவும்.
இங்குதான், நீங்கள் பிறந்த நாள் மற்றும் பிற அறிவிப்புகள் வேண்டுமா, வேண்டாமா என்பதனை முடிவு செய்திடலாம். இங்கு “What You Get Notified About” என்பதனை அழுத்தி, பேஸ்புக் இணையதளத்தில் நீங்கள் எது குறித்த அறிவிப்புகளைப் பெற இருக்கிறீர்கள் என்பதனை அறியலாம்.
எடுத்துக் காட்டாக, போட்டோ அல்லது தகவல் ஒன்றில் நீங்கள் டேக் (Tag) செய்யப்பட்டால், யார் அதனைச் செய்தது என்ற அறிவிப்பு கிடைக்கும். இதனை நிறுத்தலாம். அல்லது யார் (உங்கள் நண்பர்களா? அல்லது உங்களின் நண்பர்களின் நண்பர்களா?) இதனை மேற்கொண்டது என்ற அறிவிப்பினை மட்டும் நிறுத்தலாம்.
மேலும், சில பக்கங்களை (Page) உருவாக்கி அதனை நீங்கள் நிர்வகிக்கையில், அதில் ஏதேனும் செயல்பாடுகள் மேற்கொள்ளப்படுகையில், யார் அதனை மேற்கொண்டது என உங்களுக்கு வரும் அறிவிப்புகளை நிறுத்தலாம்.
இதே பட்டியலில் தொடர்ந்து சென்று “Birthdays” என்பதில் டேப் செய்தால், நண்பர்கள் பிறந்த நாள் குறித்து வரும் அறிவிப்புகளை நிறுத்தலாம் அல்லது அனுமதிக்கலாம்.
இந்த அறிவிப்புகள் குறித்த செட்டிங்ஸ் அமைப்பதில், “Friends’ life events” மற்றும் “Group activity.” ஆகியவையும் உள்ளன என்பதை நீங்கள் தெரிந்து கொள்ளலாம்.
இன்னொன்றையும் மேற்கொள்ளலாம். நீங்கள் சார்ந்துள்ள ஒரு குரூப், எப்போதும் மிகவும் அதிகமான எண்ணிக்கையில் பதிவுகளை மேற்கொண்டு, அதின் சார்பாக, நிறைய அறிவிப்புகள் உங்களுக்கு வருவதாக வைத்துக் கொள்வோம். அந்த அறிவிப்புகளை நிறுத்த, அந்த குழு அமைந்துள்ள இடத்திலேயே, அதன் பக்கத்திலேயே அதற்கான வழி இருக்கும். அல்லது account settings பக்கத்திலேயே இதனை மேற்கொள்ளலாம்.
இன்னொன்றையும் நீங்கள் தெரிந்து கொள்வது மிக முக்கியமானது. 
உங்களுடைய பக்கத்தின் Timelineல் யாராவது எழுதினால் உங்களுக்கு அறிவிப்பு வரும். நீங்கள் ஏதேனும் நிலைத் தகவல்களை (status update) அமைத்து அதில் உங்கள் நண்பர்கள் ‘கமெண்ட்’ செய்தாலோ, அல்லது ‘லைக்’ செய்தாலோ, உங்களுக்கு அறிவிப்புகள் கிடைக்கும். ஏதேனும் ஒரு போட்டோவில் நீங்கள் டேக் செய்யப்பட்டாலும், உங்களுக்கு அறிவிப்புகள் கிடைக்கும். இது உங்கள் செயல்பாட்டில் குறுக்கிடுவதாக நீங்கள் உணர்ந்தால், இதன் ஒவ்வொரு நிகழ்விலும் நீங்கள் தனியே சென்று, அதனை உங்கள் விருப்பப்படி கையாள வேண்டியதிருக்கும். (அல்லது இன்னும் சுருக்கமாக, சமூக இணைய தளம் சென்று பார்ப்பதையே நிறுத்த வேண்டியதிருக்கும்.)
நீங்கள் உங்கள் நண்பரின் தகவல் ஒன்றில், ‘கமெண்ட்’ ஒன்றை அமைக்கிறீர்கள். அதனைத் தொடந்து, உங்களின் குறிப்புரையின் மீது, மற்றவர்கள் ‘கமெண்ட்’ செய்திடுகையில், உங்களுக்கு அது குறித்த அறிவிப்பு வந்து கொண்டே இருக்கும். இது உங்களுக்கு எரிச்சல் தருவதாக இருந்தாலோ, அல்லது அளவிற்கும் அதிகமாக இருந்தாலோ, அந்த தகவல் அமைந்துள்ள இடத்திற்குச் சென்று, “Stop Notifications” என்பதில் கிளிக் செய்து நிறுத்தலாம்.
இதே போல, நீங்கள் ஒரு நிலைத் தகவலை அப்டேட் செய்து, அதில் யார் கமெண்ட் அல்லது லைக் அல்லது ஷேர் செய்தாலும், அது குறித்த அறிவிப்பு வந்து கொண்டே இருக்கும். இவற்றை நிறுத்த, நீங்கள் அப்டேட் செய்த தகவல் இருக்கும் இடம் சென்று, அங்கு கிடைக்கும் கீழ் விரி மெனுவில், அறிவிப்புகளை நிறுத்துவதற்கான (“Stop Notifications”) டேப்பிள் கிளிக் செய்திட வேண்டும்.
இதிலிருந்து நாம் ஒன்றை உணரலாம். பேஸ்புக் சமூக இணைய தளத்தில், நம் செயல்பாடுகளை, அந்த தளம் ஊடுறுவப் பல வாய்ப்புகள் உள்ளன. இதனை நாம், அது குறித்துத் தொடர்ந்து சிந்தித்து, நம் அக்கவுண்ட்டிற்கு வரும் தகவல்களை ஆய்வு செய்து நாம் அறிந்து கொள்ளலாம் என்பதே. மொத்தத்தில், நாம் பேஸ்புக் தளம் செல்லாமல், நமக்கு எந்த அறிவிப்பும் வராத வகையில் அமைத்துக் கொண்டால், நாம் இதிலிருந்து தப்பிக்கலாம்.
சாதனத்திலேயே நிறுத்துதல்
நாம் பயன்படுத்தும் மொபைல் சாதனங்களிலேயே, அதன் ஆப்பரேட்டிங் சிஸ்டம் அமைப்பில், இந்த அறிவிப்புகளை நிறுத்த முடியும் என்றால், அது மிக மிக எளிய வேலையாக அமையும். நீங்கள் லாலிபாப் எனப்படும் ஆண்ட்ராய்ட் பதிப்பு 5 ஐ பயன்படுத்தினால், செட்டிங்ஸ் திறந்து, “Sound & notification -> App notifications” என்று வரிசையாகச் சென்று, பின் கிடைக்கும் பட்டியலில், உங்கள் அப்ளிகேஷனத் தேர்ந்தெடுத்து, அறிவிப்புகளை நிறுத்தலாம்.
எடுத்துக் காட்டாக, பேஸ்புக் இணைய தள அப்ளிகேஷனைத் தேர்ந்தெடுத்து, அதில் கிடைக்கும் ஸ்லைடரில் “Block” என்பதனைத் தேர்ந்தெடுத்தால், அந்த தளத்திலிருந்து எந்த விதமான அறிவிப்பும் உங்கள் மொபைல் சாதனத்திற்கு வராது. நீங்கள் பேஸ்புக் தளத்தில், உங்கள் அக்கவுண்ட்டில், அறிவிப்புகள் கிடைப்பது குறித்து எந்த செட்டிங்ஸ் அமைத்திருந்தாலும், உங்கள் மொபைல் சாதனத்தில் மேலே குறித்துள்ளபடி செட்டிங்ஸ் அமைத்துவிட்டால், பேஸ்புக் தளத்திலிருந்து எந்த அறிவிப்பும் வராது.
ஐபோன் மற்றும் ஐபேட் போன்ற ஆப்பிள் நிறுவன சாதனங்களில், இது போன்ற அறிவிப்புகளை நிறுத்தும் வசதி தரப்பட்டுள்ளது. அவற்றில் செட்டிங்ஸ் திறந்து, “Notifications” என்ற பிரிவில் சென்றால், இவற்றை அறியலாம்.
ஆண்ட்ராய்ட் 5 க்கு முந்தைய சிஸ்டத்தில்: ஆண்ட்ராய்ட் பதிப்பு 5 சிஸ்டத்திற்கு முன்னால் வந்த சிஸ்டங்களைப் பதிந்த சாதனங்களை நீங்கள் பயன்படுத்தினால், என்ன செய்திட வேண்டும் எனப் பார்க்கலாம்.
மேலே சுட்டிக் காட்டியது போல, இந்த சிஸ்டம் இயங்கும் சாதனத்தில், அப்ளிகேஷன் மேனேஜர் சென்று, அப்ளிகேஷனத் தேர்ந்தெடுக்கவும்.
மேல் வலது மூலையில் உள்ள மூன்று கோடுகளில் கிளிக் செய்திடவும். பின் இங்கு கிடைக்கும் ஸ்லைடர் பாரில் கீழாகச் சென்று, “App Settings” என்பதனை டேப் செய்திடவும். உடன், பலவகையான நோட்டிபிகேஷன்ஸ் செட்டிங்ஸ் குறித்து காட்டப்படும். இவை அனைத்தையும் மொத்தமாக நிறுத்தலாம். வைப்ரேஷனை அமைக்கலாம். ரிங் டோன் தேர்ந்தெடுக்கலாம். அறிவிப்புகளில் கமெண்ட், நண்பர்கள் விண்ணப்பம், நிகழ்வுகளுக்கான அழைப்பிதழ்கள் எனப் பலவகையான பிரிவுகளுக்கான அறிவிப்புகள் குறித்து செட்டிங்ஸ் அமைக்கலாம்.
உங்களுக்கு நூற்றுக் கணக்கான நண்பர்கள் அமைந்த வட்டம் பேஸ்புக்கில் இருந்தால், நிச்சயம் அவர்களின் பிறந்த நாள் குறித்து வரும் அனைத்து அறிவிப்புகளை நீங்கள் விரும்ப மாட்டீர்கள். எனவே, இவற்றை நீங்கள் பயன்படுத்தும் சிஸ்டத்திலேயே நிறுத்தி விட்டால், எந்த பிரச்னையும் எழாது.
நன்றி : தினமலர் - கம்ப்யூட்டர் மலர், 28.12.2015

Tuesday, June 9, 2015

ஃபேஸ்புக்கில் பறிபோகும் பிரைவஸி! பாதுகாப்பது எப்படி?


ஃபேஸ்புக்கில் பறிபோகும் பிரைவஸி! பாதுகாப்பது எப்படி?
***************************************************************

இன்று காலை பல நண்பர்களது ஃபேஸ்புக் கணக்குகளில் இருந்து ஒரு ஆபாச வீடியோ ஒன்று இன்பாக்ஸில் வந்தது. என்ன என்று பார்ப்பதற்குள் என் கணக்கிலிருந்து பலருக்கு அந்த செய்தி பரவிவிட்டது. பின்னர்தான் தெரிந்தது அது வைரஸ் செய்தி எனும் ஸ்பாம். இதேபோல் பலருக்கும் உண்டான அனுபவம் ஸ்டேட்டஸில் வெளிப்பட்டது. 
இதற்கெல்லாம் காரணம் நமது ப்ரைவஸி அமைப்பு சரியாக இல்லாதது தான்.முன்பு எப்போதோ ஒரு ஆப்ஸுக்கு நம் தகவல்களை பயன்படுத்தி கொள்ளலாம் என நாம் வழங்கிய அனுமதிகூட இந்த நிகழ்வுக்கு காரணமாக இருக்கலாம்.இன்றைய சமூக வலைதள உலகில் ப்ரைவஸி என்பது கிட்டத்தட்ட இல்லை என்ற நிலையிலேயே இருக்கிறது. குறிப்பாக நமது தகவல்களை பிறர் தெரிந்து கொள்வது துவங்கி ஒருவரது புகைப்படத்தை முகம் தெரியாத நபர் எடுத்து கொள்வது வரை அனைத்துமே இன்றைய சமூக வலைதளங்களில் எளிதாக இருக்கிறது.
இன்றைய நிலையில் அனைவரும் தகவல்களை ப்ரைவஸியாக வைத்திருப்பது அவசியமாகிறது. குறிப்பாக பெண்கள் தங்கள் தகவல் மற்றும் புகைப்படங்களை பயன்படுத்தாமலோ அல்லது பாதுகாப்பாக பயன்படுத்த வேண்டும் என்பதும் இன்றைய நிலையில் அவசியமாகிறது. ஃபேஸ்புக்கும் இதற்கேற்ப ப்ரைவஸி தகவல்களை பாதுகாக்கும் அமைப்பை உருவாக்கியுள்ளது. இதனை எப்படி சரியாக பயன்படுத்துவது என்பது நம்மில் பலருக்கு தெரிவதில்லை. ஃபேஸ்புக்கில் நமது ப்ரைவஸியான விஷயங்களை எப்படி பாதுகாப்பது என்பதை பற்றி பார்ப்போம்.
பாதுகாப்பது எப்படி?
1.பலருக்கு ஃபேஸ்புக் அமைப்பில் தங்களது புகைப்படத்தை மாற்றுவது மற்றும் தங்களை பற்றிய விவரங்களை மாற்றுவது மட்டுமே தெரிந்திருக்கிறது. ஆனால் அதனை தாண்டி ஃபேஸ்புக்கில் ப்ரைவஸி செட்டிங் என்றை அமைப்பு உள்ளது அதில் இருக்கும் விஷயங்களை நாம் பெரும்பாலும் கவனிப்பதே இல்லை. அதில்...
1.நம் தகவல்களை யார் பார்க்க வேண்டும்?

2.நம்மை யார் தொடர்பு கொள்ள வேண்டும்?

3.நம்மை தொந்தரவு செய்பவரை எப்படி தவிர்ப்பது?
இந்த மூன்று கேள்விகளும் இடம் பெற்றிருக்கும். இதனை ஒவ்வொன்றாக பார்த்தால் நம் தகவல்களை நமது நண்பர்கள் பார்க்கலாம்,நண்பர்களது நண்பர்கள் பார்க்கலாம்? அனைவரும் பார்க்கலாம் என்பது போன்ற அமைப்புகள் தரப்பட்டிருக்கும். இதனை சரியாக அமைத்தாலே பாதி பிரச்னைகளை தவிர்க்கலாம். அதற்கு முன்பு சமூக வலை தளங்களில் முகம் தெரியாதவர்களோடு அதிகம் நெருங்கி பழகாமல் இருப்பதும் அவசியம் என்பதை உணர வேண்டும்.
நம்மை யாராவது தொடர்பு கொள்ள வேண்டும் எனில் நம்மிடம் அனுமதி கேட்க வேண்டும் என்ற அமைப்பையும் ஃபேஸ்புக் வைத்துள்ளது அதற்கு நாம் செய்ய வேண்டியது நமது விவரங்களை நமக்கு மட்டும் தெரியும் 'ஒன்லி மீ' அல்லது ''ஃப்ரெண்ட்ஸ் ஒன்லி' அமைப்பாக வைத்திருப்பதன் மூலம் நம் தகவல்கள் தேவையில்லாத நபர்களுக்கு பகிரப்படுவதை தவிர்க்கலாம்.
சமூக வலைதளங்களில் சிலர் அடிக்கடி தொந்தரவு தரும் செய்திகளையோ அல்லது தனிப்பட்ட முறையில் நமக்கு தொந்தரவுகளையும் தர முடியும். அவர்களை ப்ளக் செய்யும் வசதியையும், அவர்களுக்கு நம் கணக்கு கண்களுக்கு தெரியாமல் செய்யவும் செய்ய முடியும்
இது ஒரு புறம் என்றால் தன்னை பிரபலபடுத்தி கொள்ளவும், அதிக லைக்ஸ்கள் வாங்கவும் ஒரு கூட்டம் அனைவரையும் டேக்(TAG) செய்து பதிவுகளை பதிவு செய்து வரும். அதனை தவிர்க்க முடியாமல் பலரும் அவதிபடுவார்கள். அதனை தவிர்க்கவும் ஃபேஸ்புக்கில் வழி உள்ளது. ஃபேஸ்புக் ரிவியூ அமைப்பின் மூலம் உங்களை டேக் செய்யும் பதிவுகளை நீங்கள் பார்த்து சரி என்று சொன்னால் மட்டுமே அது உங்கள் டைம் லைனுக்கு வரும் இல்லையெனில் அவை உங்கள் டைம்லைனில் நிற்காது. 
புகைப்படங்கள் மூலமாக தான் அதிகமாக பிரச்னைகள் வருகின்றன. அப்படி புகைப்படங்களால் பிரச்னை வரும் போது நமது புகைப்படத்தை பதிவு செய்வதை தவிர்க்கலாம். அப்படியே பதிவு செய்தாலும் உங்களுக்கும், உங்கள் நண்பர்களுக்கு மட்டும் தெரியுமாறு அமைப்பை அமைத்து கொள்ளுங்கள். உங்களுக்கு பிரச்னை தரக்கூடியவர்களுக்கு உங்கள் கணக்கு தெரியாதபடி அமைப்பை மாற்றி கொள்ளுங்கள்.
இவையெல்லாம் நாமாக பாதுகாத்து கொள்ளும் ப்ரைவஸி விஷயங்கள் என்றாலும், நம்மை அறியாமல் சில விஷயங்கள் நம் தகவல்களை திருடும். சில வைரஸ்கள் உருவாக்கப்பட்டு உங்களது புகைப்படம் உள்ள வீடியோவை உங்கள் நண்பர் அனுப்பியுள்ளார். என்ற செய்தி உங்கள் இன்பாக்ஸிற்கு வரும் அப்படி வரும் போது அதனை அவசரபட்டு நம் நண்பர் அனுப்பிய வீடியோ தானே என்று க்ளிக் செய்தால் அதே செய்தி உங்கள் நட்பு வட்டாரத்தில் உள்ள அனைவருக்கும் நீங்கள் அனுப்பியது போன்று அனுப்பப்படும். இதில் சில சமயம் ஆபாச செய்திகளும் வருகின்றன. இது உங்கள் தகவல்களை திருடும் நோக்கில் உருவாக்கப்படுபவை தான். சில ஆப்ஸ்களை ரன் செய்யும் போது உங்கள் கணக்கு தகவல்களை எடுத்து கொள்கிறேன் என கேட்கும் அதனை நாம் படிக்க முடியாத அளவுக்கு சிறிய எழுத்தில் கொடுத்திருப்பார்கள். அதனை நாம் படிக்காமல் ஆம் என கூறுவதாலும் நம் ஃபேஸ்புக் பிரைவஸி பறிபோகிறது.
அனைவரும் ஃபேஸ்புக்கில் இனி லாக் இன் செய்து நம் நண்பர்களோடு அரட்டை அடிப்பதற்கு முன் அதில் உள்ள அமைப்புகளை கொஞ்சம் கூர்ந்து கவனித்து பாதுகாப்பாக இருக்க முயற்சி செய்வோம். குறிப்பாக பல பெண்கள் ஃபேஸ்புக் பிரச்னையால் தவறான முடிவை எடுக்கும் நிலையிலிருந்து மீட்க ஃபேஸ்புக்கை கொஞ்சம் கூர்ந்தும், எச்சரிக்கையுடனும் கவனிப்போம்.
ச.ஸ்ரீராம்
நன்றி : விகடன் செய்திகள், 10.06.2015

Thursday, May 21, 2015

ஃபேஸ்புக் கேம் ரெகொஸ்ட்களை ஃபிளாக் செய்ய


ஃபேஸ்புக் கேம் ரெகொஸ்ட்களை ஃபிளாக் செய்ய என்ன செய்ய வேண்டும்?


பேஸ்புக் பயன்படுத்துறவங்களை இரண்டு விதமாக பிரிக்கலாம், ஒரு வகையை சேர்ந்தவங்க எங்க போனாலும் போட்டோ பிடிச்சு அதை பேஸ்புக்கில் அப்டேட் செய்யுறவங்க, இன்னும் சிலர் எப்போவாவது பேஸ்புக் வருவது வந்தாலும் கேம்ஸ் மட்டும் விளையாடி மற்றவர்களுக்கு கேம் ரிக்வஸ்ட்களை அனுப்புவது.  ஒரு சிலருக்கு கேம் விளையாட பிடிக்கும், ஒரு சிலருக்கு கேம் விளையாடுவது பிடிக்காது, இருந்தும் உங்க நண்ப்ரகள் தொடர்ந்து கேம் ரிக்வஸ்ட் கொடுக்கின்றார்களா? அப்ப அதை எப்படி ப்ளாக் செய்வது என்று அடுத்து வரும் ஸ்லைடர்களில் பாருங்க

பேஸ்புக்:
முதலில் பேஸ்புக் சைன் இன் செய்யுங்கள்




டவுன் பட்டன்:
இப்போ வலது பக்கம் இருக்கும் டவுன் பட்டனை க்ளிக் செய்யுங்கள்.


செட்டிங்ஸ்:
டவுன் பட்டனில் இருக்கும் செட்டிங்ஸ் ஆப்ஷனை க்ளிக் செய்யுங்கள்.


ப்ளாக்கிங் செட்டிங்ஸ்:
ஆப்ஷனின் இடது புறத்தில் ப்ளாக்கிங் என்ற ஆப்ஷனை தேர்வு செய்யுங்கள்


மேனேஜ் ப்ளாக்கிங்: 
ப்ளாக்கிங் க்ளிக் செய்தவுடன் மேனேஜ் ப்ளாக்கிங் என்ற ஸ்கிரீன் ஓபன் ஆகும்




தேர்வு:
மேனேஜ் ப்ளாக்கிங் ஸ்கிரீனில் உங்களை கடுப்பாக்கும் அப்ளிகேஷன்கள், தேர்வு செய்யலாம். இந்த ஸ்கிரீனில் ப்ளாக் யூசர்ஸ், ப்ளாக் ஆப் இன்வைட் என உங்களுக்கு இடையூறாக இருக்கும் அப்ளிகேஷன்களை ப்ளாக் செய்ய முடியும்.

 

ப்ளாக் ஆப்ஸ்:
 மேனேஜ் ப்ளாக்கிங் ஸ்கிரீனின் கீழ் பகுதியில் ப்ளாக் ஆப்ஸ் என்ற ஆப்ஷன் இருக்கும், இங்கு நீங்க ப்ளாக் செய்ய விரும்பும் அப்ளிகேஷனை என்டர் செய்து ப்ளாக் செய்யலாம்.


அப்ளிகேஷன்:
இப்போ நீங்க ப்ளாக் செய்த அப்ளிகேஷன் ப்ளாக் ஆப்ஸ் ஸ்கிரீனில் இருக்கும், ப்ளாக் செய்த அப்ளிகேஷனை அன்ப்ளாக் செய்யவும் முடியும்.



ப்ளாக் இன்வைட்ஸ்:
மேனேஜ் அப்ளிகேஷன்ஸில் ப்ளாக் இன்வைட்ஸ் ஆப்ஷன் சென்று உங்களுக்கு கேம் ரிக்வஸ்ட் கொடுப்பவர்களின் பெயரை டைப் செய்யதால் அவர்களிடம் இருந்து உங்களுக்கு எந்த ரிக்வஸ்ட்களும் வராது. 


ப்ளாக் பேஜஸ்:
கேம் மற்றும் அப்ளிகேஷன்கள் இல்லாமல் பேஸ்புக் பக்கங்களுக்கு லைக் செய்ய வேண்டும் ரிக்வஸ்ட்களும் அதிகம் வருகின்றது, இதை ப்ளாக் செய்ய மேனேஜ் அப்ளிகேஷன் ஸ்கிரீனின் கடைசி ஆப்ஷனான ப்ளாக் பேஜஸ் சென்று உங்களுக்கு தேவையான பக்கங்களின் ரிக்வஸ்ட்களை ப்ளாக் செய்ய முடியும்.


நன்றி : Mr. Meganathan & TAMIL GIZBOT




Monday, May 18, 2015

ஃபேஸ்புக்கில் வக்கிரமான பக்கங்களைப் பார்த்தால்


ஃபேஸ்புக்கில் வக்கிரமான பக்கங்களைப் பார்த்தால் ............?
********************************************************************
                            ஃபேஸ்புக் என்பது ஒரு அருமையான ஊடகம் ஆகும்.  அதில் பொதுமக்களுக்கு பயன்படும் பல செய்திகள், படங்கள்,  வீடியோக்கள் பலராலும் பதிவு செய்யப்பட்டு உலகம் முழுவதும் உலா வருகிறது. இதனால் பலரும் பயன்பெறுகின்றனர். 

                                ஆனால், இதனை வக்கிர எண்ணம் கொண்ட சிலர், தங்களது வக்கிரத்தை வெளிப்படுத்தும் களமாக, ஆபாசங்களை பரப்புகின்ற தளமாக பயன்படுத்தி வருகிறார்கள்.

                                  இப்படிப்பட்ட பக்கங்களை போகிற போக்கில் நீங்களும் பார்த்திருக்கலாம். அது உங்களை அறுவெறுப்படைய வைத்திருக்கலாம். உங்கள் நெஞ்சத்தில் அது கொதிப்பை ஏற்படுத்தி இருக்கலாம்.   இதனை தடுக்க என்ன செய்ய வேண்டும்? என்று ஒரு நிமிடம் உங்களை யோசிக்கவும் வைத்திருக்கலாம்.  

                                  உங்களைப் போன்றவர்களுக்குத்தான் இந்தப்பதிவு.  உங்கள் பெயரையோ, முகவரியையோ நீங்கள் வெளிப்படுத்த வேண்டியதில்லை. நம்மைப் பற்றி புகார் செய்தவர் யார் என்று அந்த வக்கிரபுத்தி கொண்டவருக்கு தெரியப்போவதே இல்லை. ஃபேஸ்புக்கில் இதற்கு நமக்கு அந்த வசதியை  செய்து தந்திருக்கிறார்கள். 

அதற்கு நாம் என்ன செய்ய வேண்டும்?
                                நீங்கள் ஆட்சேபிக்க வேண்டிய  ஃபேஸ்புக் பக்கத்தின் வலதுபுறத்தில் Message 
என்ற Option-க்கு  அருகில் மூன்று புள்ளிகள் (...) தொடர்ச்சியாகத் தெரியும்.  அதனை Click  செய்தால்  Report  மற்றும் Block என்னும் இரு தேர்வுகளைக் காட்டும். 

                       அதில்   Report  என்பதை Click  செய்தால் , என்ன மாதிரியான  பதிவு அந்தப் பக்கத்தில் இருக்கிறது என்பது குறித்து தங்களிடம் கேட்கப்படும். அதனை நீங்கள்  தேர்வு செய்தால், உங்கள் புகாரானது பதிவு செய்யப்படும். தங்களைப் போல, அந்த குறிப்பிட்ட பக்கத்தை 20 பேருக்கு மேல் புகார் செய்தால், அந்தப் பக்கத்தை ஃபேஸ்புக் நிர்வாகம் உடனடியாக நீக்கிவிடும். 

Friday, April 10, 2015

என் பேஸ்புக் அக்கவுண்ட் ரகசியமானதா?


என் பேஸ்புக் அக்கவுண்ட் ரகசியமானதா?
*******************************************************************
சமூக இணைய தளங்கள் என்று வருகையில், நாம் நம் தகவல்கள் எவ்வளவு தூரம் ரகசியமாகப் பாதுகாக்கப்படுகின்றன எனக் கவலைப் பட்டுக் கொண்டு இருக்கிறோம். ஒவ்வொரு சமூக இணைய தளமும், நம் தனிப்பட்ட தகவல் தொகுப்பினை நாம் விரும்பும் வகையில், விரும்பாதவர்கள் அறிய இயலாத வகையில் அமைக்க வழிகளைத் தருகின்றன. இருப்பினும், நம் தகவல்கள் திருடப்படுவதாக அவ்வப்போது செய்திகள் வெளியாகும்போது, நாம் அஞ்சுகிறோம். நம் தகவல்களை இன்னார் தான் பார்வையிட முடியும் என நாம் செட்டிங்ஸ் பிரிவில் அமைத்திருந்தாலும், நம் தகவல்கள் மற்றவர்களாலும் அறியப்படும் வாய்ப்புகள் உள்ளனவோ என்று சந்தேகப்படுகின்றோம். 

இந்த அச்சத்தினைப் போக்கும் வகையில் பேஸ்புக் தளம் Privacy Checkup என்ற டூல் ஒன்றை அண்மையில் தந்துள்ளது. இதன் மூலம் பேஸ்புக் இணைய தளத்தில் உள்ள நம் அக்கவுண்ட்டில், நாம் பதிவு செய்வதனை யார் எல்லாம் பார்க்க முடியும் என்பதனைக் கண்டறியலாம். அதனை மாற்றி அமைக்க விரும்பினால், இந்த டூல் அதற்கான செட்டிங்ஸ் அமைக்க உதவுகிறது. சில வேளைகளில் அல்லது சில அமைப்புகளினால், இந்த ஆப்ஷன் கட்டம், நாம் பேஸ்புக் செல்லும்போதே, தானாக எழுகிறது. அல்லது தளத்தில் மேலாகத் தரப்பட்டுள்ள பேட்லாக் (padlock) படத்தின் மீது கிளிக் செய்து பெறலாம். இதில் கிடைக்கும் மெனுவில் Privacy Checkup என்பதில் கிளிக் செய்திட வேண்டும்.
அமைப்பினை நம் விருப்பப்படி அமைக்க, யாரெல்லாம் நம் பதிவுத் தகவல்களைப் பார்க்கிறார்கள் என்பதனை அறிய Let’s Do It என்பதில் கிளிக் செய்து தொடங்க வேண்டும். Privacy Checkup தரும் முதல் நிலை, நம் பதிவுகளை யாரெல்லாம் பார்க்கிறார்கள் அல்லது பார்க்க முடியும் என்ற தகவலாகும். இதில் மாற்றங்கள் ஏற்படுத்த விரும்பினாலும், அதற்கு ஆப்ஷன் தரப்படுகிறது.
அடுத்து பேஸ்புக் இயக்கும் அப்ளிகேஷனப் பற்றியது. இதனைக் காண்கையில் நமக்கு ஆச்சரியம் வரலாம். ஏனென்றால், நாம் பயன்படுத்தாத அப்ளிகேஷன்கள் பல பின்னணியில் இயங்கிக் கொண்டிருப்பதாகக் காட்டப்படும். சிலவற்றை நாம் தான் இன்ஸ்டால் செய்தோமா என்று ஆச்சரியப்படும் அளவிற்கு நம் நினைவில் இல்லாமல், நம்மால் பல காலம் பயன்படுத்தப்படாவதையாக இருக்கும்.
நாம் பயன்படுத்தாத அப்ளிகேஷன்களை அழித்துவிடலாம். நம் பதிவுகளை யாரெல்லாம் பார்க்க அனுமதிக்க வேண்டும் என எண்ணுகிறோமோ, அதனையும் இங்கு செட் செய்திடலாம். அப்ளிகேஷன் ஒன்றை நீக்க, அதன் அருகே உள்ள X அடையாளத்தில் கிளிக் செய்தால் போதும். எப்படியும், நீங்கள் சோதனை செய்கையில் குறைந்தது பத்து அப்ளிகேஷனாவது நீங்கள் பயன்படுத்தாதவையாக இருக்கும். இந்த அப்ளிகேஷன் சோதனைக்குப் பின், உங்களைப் பற்றிய தகவல்களை யாரெல்லாம் பார்க்க அமைத்திருக்கிறீர்கள் என்பதனைக் காணலாம். நீங்கள் எங்கு படித்தீர்கள், எங்கு என்ன வேலை பார்க்கிறீர்கள், எங்கு வாழ்கிறீர்கள் என்ற விபரங்களை யாரெல்லாம் பார்க்க முடியும் என்பதைக் காணலாம். இதனை உங்கள் விருப்பப்படி திருத்தி அமைத்த பின்னர், Privacy Checkup டூல் மூடி வெளியேறலாம்.

தொல்லை தரும் நண்பர்களைக் கட்டுப்படுத்த


தொல்லை தரும் நண்பர்களைக் கட்டுப்படுத்த
************************************************************

பேஸ்புக் தளத்தில், நமக்கென அக்கவுண்ட் வைத்து, இயக்கத் தொடங்கிய சில வாரங்களிலேயே நம் நண்பர்கள் வட்டம் வேகமாக விரிவடையும். நான் என்னதான் நம் நண்பர்களை எடைபோட்டு தேர்ந்தெடுத்தாலும், ஒரு சிலர் தங்களுடைய செய்திப் பதிவுகள் (news feed) மூலம் நம்மை எரிச்சல் அடைய வைப்பார்கள். இவர்களிடமிருந்து நாம் ஆர்வம் காட்டாத செய்திப் பதிவுகள் அதிக எண்ணிக்கையில் கிடைக்கப் பெறுவோம். இதனால் எரிச்சல் அடைவது ஒரு பக்கம் இருந்தாலும், இந்த பதிவுகளை நிறுத்த முடியாமல் தவிப்போம்.

பேஸ்புக் தளம் தற்போது இதற்கு ஒரு தீர்வினைத் தந்துள்ளது. இந்தப் பிரிவில், உங்களுடைய செய்திப் பதிவு பக்கத்தில், கடந்த வாரத்தில் அதிகம் பதிவுகளைத் தந்த நண்பர்கள், பக்கங்கள் மற்றும் குழுக்கள் பட்டியலிடப்படும். இதில் யாரிடமிருந்து இத்தகைய பதிவுகளை நிறுத்த வேண்டுமோ, அவர்கள் பெயர் முன் ஒரு டிக் கிளிக் செய்து, அவர்கள் நம்மைப் பின் தொடர்ந்து வந்து செய்திப் பதிவுகளை இடுவதனை நிறுத்தலாம். இதனை நிறுத்திய பின்னரும், அவர்களுடன் தொடர்ந்து நீங்கள் நட்பாக இருக்கலாம். ஆனால், அவர்களிடமிருந்து நம்மை எரிச்சலடையச் செய்திடும் பதிவுகள், நிலைப்பாடுகள் நமக்கு வராது.
இதே பட்டியலில், கடந்த காலத்தில் நம்மைப் பின்பற்றி பதிவுகள் இடாமல் ஒதுக்கி வைக்கப்பட்டவர்களின் பெயர்களையும் காணலாம். நீங்கள் முடிவெடுக்கும் எந்த நேரத்திலும், இவர்களுக்கு உங்களைப் பின்பற்ற அனுமதி அளிக்கலாம்.
இந்த News feed settings பிரிவு மொபைல் சாதனங்களிலும், நம் டெஸ்க்டாப்பிலும் இப்போது கிடைக்கிறது. இதனைப் பெற "more" மெனு கிளிக் செய்திடவும். பின் கிடைக்கும் மெனுவில், கீழாகச் செல்லவும். அங்கு "help & settings" என்ற பிரிவில், நீங்கள் இந்த வசதியினைப் பெறலாம்.
இதற்கிடையே, இன்னொரு வேலையையும் நீங்கள் மேற்கொள்ளலாம். குறிப்பிட்ட விரும்பத்தகாத நபரிடமிருந்து வரும் தகவல்களை மறைத்து வைக்கலாம். அந்த பதிவில், வலது மேல் மூலையில் உள்ள சிறிய அம்புக் குறியில் கிளிக் செய்து, கிடைக்கும் மெனுவில், hide என்பதை அழுத்தி, தகவலை மறைக்கலாம். இவ்வாறு மறைக்கப்பட்ட நிலையில், குறிப்பிட்ட நபரிடமிருந்து வரும் தகவல் பதிவுகள் மறைக்கப்படும் மற்றும் குறைக்கப்படும்.
“ஒரு நண்பர் நம்மைப் பின் தொடர அனுமதி அளிப்பதுவும், அனுமதியை நிறுத்துவதும் இனி உங்கள் கைகளில் உள்ளது” என்று  பேஸ்புக் நிர்வாகி க்ரெய்க் மர்ரா தன் வலைப்பதிவில் (http://newsroom.fb.com/news/2014/11/news-feed-fyi-more-ways-to-control-what-you-see-in-your-news-feed/) தெரிவித்துள்ளார். இந்த செட்டிங்ஸ் இயக்குவது பற்றிய காணொளி விளக்கக் காட்சியையும் காணலாம்.
அண்மையில் இன்னொரு சமூக இணைய தளமான, ட்விட்டர் தளத்தில், இதே போன்ற தகவல்களை மறைக்கும் வசதி தரப்பட்டது. அதனைத் தொடர்ந்து பேஸ்புக் தளமும் இந்த வசதியைத் தந்துள்ளது.

Monday, April 6, 2015

ஃபேஸ்புக்கில் வாரிசு நியமிக்கலாம்


ஃபேஸ்புக்கில் வாரிசு நியமிக்கலாம்
********************************************

வாஷிங்டன்:சமூக வலைதளமான, 'பேஸ்புக்'கில், வாரிசுதாரர் நியமன வசதி அறிமுகப்படுத்தப்பட்டு உள்ளது.பல கோடி மக்களை உறுப்பினராக கொண்ட, மிகப்பெரிய சமூக வலைதளங்களில், பேஸ்புக் முதலிடத்தில் உள்ளது.

இந்த வலைதள நிறுவனம், பேஸ்புக்கில் கணக்கு வைத்துள்ளோர் இறந்த பிறகும், அக்கணக்கை அவர்களின் வாரிசுகள், நியமனதாரர்கள் ஆகியோர் தொடர்ந்து கையாளும் வசதியை அறிமுகப்படுத்தியுள்ளது.

வங்கி கணக்கில், வாரிசுதாரரை குறிப்பிடுவ
து போல், பேஸ்புக்கில் இணைந்துள்ள ஒருவர், தமக்கு பின், தன் கணக்கை தொடரும் உரிமையை வாரிசுக்கோ, நண்பருக்கோ வழங்கலாம்.

இதன் மூலம் ஒருவர் இறப்புக்குப் பின், அவரது பேஸ்புக் கணக்கு பயன்படுத்தப்படாமல் முடங்குவது தவிர்க்கப்படும்.

புதிய வசதி முலம் ஒருவரின் இறப்பை, அவரது பேஸ்புக் நண்பர்களுக்கு தெரிவிக்கவும், இரங்கல் செய்திகளை பகிரவும், இறுதிச் சடங்கு படங்களை வெளியிடவும், வாரிசுதாரருக்கு வாய்ப்பு கிடைக்கும்.அத்துடன், நட்பு வட்டாரத்தையும் விரிவுபடுத்திக் கொள்ளலாம்.

இறந்தோரின் பேஸ்புக் கணக்கை சுலபமாக அடையாளம் காண்பதற்காக, அவரது பெயர் முன், 'நினைவாக' என்ற சொல்லும் இடம் பெறும் என, பேஸ்புக் நிறுவனம் தெரிவித்து உள்ளது.
........................தினமலர் நாளிதழ் செய்தி 16.02.2015........
........